أسهل مملحات بعجينة المسمن السحرية

حضري أحسن وأسهل مملحات بعجينة المسمن السحرية بكل راحة لذيذة و مقرنشة

 المقادير: 

600غ دقيق الابيض 

معلقة صغيرة من العسل 

2 ملاعق كبار من الزيت 

ملح 

4 غ من خميرة الحلوة 

الماء لجمع العجينة

الحشوة باللحم المفروم أو حسب الرغبة

طريقة التحضير:  

نآخذ اناء نوضع فيه الدقيق و زيت و ملح و خميرة الحلوة و العسل و نجمع العجين بالماء حتى نحصل على عجين رطب و ندلكها شوية من بعد نقسمها الى 4 كورات و نذهنهم بالزيت و نتركها ترتاح و نحضر الحشوة.

 نآخذ مقلاة نوضع فيها بصل مقطع و فلفل مقطع قطع صغيرة و زيت الزيتون و نترك الكل يتشحر جيدا من بعد ما يطيبو نضيف ليهم لحم مفروم و ثوم و قزبر و معدنوس نترك الكل يتشحر ثم نضيف التوابل ملعقة صغيرة سكينجبير و ملعقة صغيرة فلفل احمر و نصف ملعقة صغيرة كركم و نصف ملعقة كمون و ملعقة صغيرة الهريسة ونصف ملعقة صغيرة ابزار ونخلط الكل و نطفي النار من بعد ناخذ الزيت و الزبدة و نخلطهم.

ثم نآخذ الكورة الاولى من العجين و نبسطها بالزيت و الزبدة و نطويها على شكل مسمنة و نآخذ الكورة الثانية و نبسطها ونوضع فوسط مسمنة لطوينة من قبل و نجمعها على شكل مسمنة.

ثم نكمل الكورات المتبقية بنفس الطريقة.

بعد ذلك نآخذ المسمنة الاولى و نبسطها جيدا بالزيت ثم نضعها فيىصفيحة الفرن مدهونة بالزيت و نآخذ الحشوة و نضيف لها فرماج مبشور و نوزعها فوق المسمنة التي وضعنها في صفيحة الفرن. 

ثم نآخذ المسمنة الثانية نبسطها ونضعها فوق الحشوة و نتبتها جيدا من بعد ندهنها بصفار البيض من الفوق ثم نآخذ سكين و نقطعها على شكل مربعات و نزينهم في الوسط بالزيتون الاسود و ندخلها للفرن مسخن على 180 درجة حتى تتحمر، ثم نقدمها بالصحة و الراحة.

يمكنكم مشاهدة الوصفة بالتفصيل من خلال هذا الفيديو