برغر بالدجاج رائع جدا و لذيذ

مقادير برغر بالدجاج

مكونات العجين:

150 غ دقيق

نصف ملعقة صغيرة خميرة جافة

نصف ملعقة صغيرة ملح

ملعقة صغيرة سكر

80 غ تقريبا حليب دافي

ملعقة صغيرة عامرة زبدة

طريقة تحضير برغر بالدجاج:

نخلط كلشي الا الزبدة العجينة تتكون مرخوفة نغطي عليها عشر دقايق ونضيف الزبدة الطرية وندخلها في العجينة مزيان ونخليها تخمر

نشكلها 3 كويرات اتجي في كل وحدة 85 غ تقريبا نکرصهم شوية ونخليهم يخمرو مرة اخرى.

 ندهن بالبيض نرش جنجلان والى الفرن مسخن مسبقا على 175 مدة 16 دقيقة تقريبا.

 ناخد إناء نوضع فيه نص كاس لبن (اللبن کیرطب الدجاج) وشوية شوية من التوابل لي هي ثوم مجفف بصل مجفف کرکم فلفل اسود فلفل احمر حار زعتر وقسبور يابس شوية الحامض ونزيد شرائح الدجاج ونخليه يترقد فيه من بعد نزيد بيضة نخلط وندوز الشرائح في الدقيق جوج مرات ونبدا نقلي في زيت ساخن ونحيدو فوق ورق النشاف حتى يبرد شوية.

نقسم الخبز ندهنو بشوية المايونيز ندير طبقة خس ثم طبقة طماطم شرائح البصل الدجاج صلصلة حسب الذوق (انا خلطت مایونیزظوكيتشوب) شريحة جبن صافي ونسد الخبز.

انا قدمتو مع بطاطا مشوية في الفرن و بالصحة و العافية.

من إعداد asmae_sweets@