بيسكوي منزلي مقرمش و لذيذ

بيسكوي ديال الدار مقرمش ولذيذ بزاف الا كانو عندكم الوليدات أكيد غادي يعجبهم بزاف.

المقادير

125 غ زبدة لينة (حيوانية)

100 غ سكر ناعم مايعادل كأس

بياض بيضة

رشة ملح وفانيلا

ملعقتين ك نشا أو بودرة الكريم باتيسيير

270 غ دقيق أو حسب الحاجة تقريبا كأسين + كأس الا ربع

ملعقة صغيرة خميرة حلويات

للحشو:

نصف علبة صغيرة شوكولاتة (ماكاو)

ملعقة أو ملعقتين ناباج أو عسل أو حليب مركز محلى

طريقة التحضير:

کنخدمو الزبدة مع السكر الفانيلا والملح حتى ينسجمو ونضيف البياض ديال البيضة ونخلط حتى نحصل على كريمة اخيرا المكونات الجافة ونجمع عجين رطب.

نظلقو مابین جوج قطع ورق طهي ولا بلاستيك غذائي ونقطعو بمرشم دائري مدرج وندير ثقوب بشي قطيب ديال الخشب باش يعطيني شكل بحال الجاهز

ندخلو المجمد بيه بالورق حتی کیشد مزيان وعاد نحيد الحبات

نضعهم في لاطة والى الفرن على 160 او نار مهيلة

ملي يطيب ويبرد نلصق كل جوج مع بعض بخليط الشكلاط والناباج ولا نوتيلا لي كتفضلو و بالصحة و الراحة.