حضري باكيط أو كومير ديال سميدة بالصور بطريقة محترفة بحال لي كيتباع في المحلات.

مقادير باكيط بالسميدة:

500 غ سميدة رقيقة

300 غ دقيق ابيض أو حسب الحاجة

500 مل ماء

ملعقة زيت 

ملعقة زبدة

ملعقتين سكر

ملعقة ونصف خميرة

طريقة تحضير باكيط بالسميدة:

كنطحنو السميدة مع الماء في خلاط كهربائي حتى طلق الخيط

ثم نفرغوها في إناء العجانة ولا قصرية ونزيد باقي المكونات من غير الزيت والزبدة.

نجمع العجين بالقدر الكافي من الدقيق عجينة مکتلصقش متماسكة ولكن ماشي قاسحة.

نزید الزيت والزبدة.وندلكها مزيااان حتى تولي مطاطية و نخليها تخمر.

ملي تخمر.نقسمها و نشكل كويرات.

نغطيهم بمنديل و نتركهم  يرتاحو

ثم ناخذ  شوية الماء نغطس فيه الكويرات ونشفهم بورق نشاف وندوزهم في سميدة.

كل كويرة نطلقها بدلاك ونلويها شكل باکیط صغير نبسطو شوية ونحطوه في لاطة الباكيط ولا اللاطة(صينية الفرن) العادية.

نخليهم يخمرو ونشرطوهم بموس ولا شفرة خاصة بالخبز 

ثم ندخل الباكيت إلى الفرن حتى تستوي

يمكنكم مشاهدة الطريقة بالتفصيل من خلال هذا الفيديو