كويرات الشطون(السردين) بالروز

كويرات الشطون(السردين) بالروز

طريقة تحضير كويرات الشطون أو السردين بالروز تتجي لذيذة و متشبعيش منها.

مقادير و طريقة تحضير الشطون أو السردين بالروز:

الشرمولة:

قسبر ومعدنوس مقطعين ومدقوقين مع تومة والملح تم نضيف إليهم كمون تحميرة زنجبيل وعصير الحامض او الخل نخلط الكل مع بعض ونحتفض به.

ناخد 600g شطون نحيد ليه سنسول تم نطحنه ونضيف اليه كأس صغير روز مسلوق نصف صلفة وكمية من الشرمولة ونخلط الكل مع بعض حتى يندمج ونشكل من الخليط كويرات في طاجين نضع زيت الزيتون ودوائر من الطماطم تم دوائر من الجزر والبطاطس (اختياريين) تم الكويرات الكفتة ونزين بالفلفل والحامض مرقد (ناخد شوية الشرمولة نضيف عليها كمية من الطماطم محكوكة او صلصة الطماطم وشوية الزعفران وقليل من الماء ونخلط الكل حتى يندمج ) تم نصب من الفوق خليط الصلصة ونضعه فوق نار مهيلة حتى ينضج وبالصحة والراحة.

من إعداد cocinanour