فقاص باللوز سهل و ناجح بدون تكسر

طريقة تحضير فقاص باللوز و الزنجلان سهل و ناجح بدون تكسر و تيجي لذيذ و رائع، من موقع وصفات .

مقادير فقاص باللوز سهل و ناجح :

4 بيضات

كأسان سكر (سنيدة)

كأسان ونصف زيت نباتية

كأس زنجلان محمر

كأسان لوز مقطع في النصف

3 ملاعق نافع مهرمش

كيس خميرة الحلويات

قبصة ملح

3 ملاعق ماء الزهر

كيلو دقيق أبيض نوعية جيدة

طريقة تحضير فقاص باللوز سهل و ناجح:

في الخلاط الكهربائي كنعملو البيض سكر سنيدة والزيت والماء الزهر وكنطحنوهم.

من بعد نعملو الخليط في إيناء ونضيفو النافع والزنجلان و اللوز والدقيق والخميرة ديال الحلويات.

نخلطو العجين ميكونش قاصح وميكونش کیتلصق فاليد نشكلو منهم حرابل على حجم اللاطة(صينية).

انا شكلت 4 حرابل ونديروهم فلاطة مدهونة بالزيت او مفروشة بورق الزبدة.

ملي كنعملوه في لاطة كندهنوه بأصفر بيضة وملعقة كبيرة حليب وملعقة صغيرة قهوة سريعة الذوبان.

بالنسبة لطريقة طياب خاص الفرن يكون بارد حتی نعملوه في الفرن عاد نشعلوه والنار تكون مهيلة بزاف نخليوه مدة 45 دقيقة أو أكثر حتى يبان لينا طاب. 

نخرجوه ونغطيوه بمنديل مزيان ونخليوه ليلة كاملة أو نهار كامل عاد نقطعوه ونرجعوه الفرن يتحمر من الجهتين باش کیاخد اللون ديالو، و بالصحة والراحة.

من إعداد __oum_oussama@