طريقة تحضير فقاص باللوز والكركاع ناجح و سهل التحضير وتيجي لذيذ بزاف، من موقع وصفات .
مقادير فقاص باللوز و الكركاع:
3 بيضات
كاس سكر
قبصة الملح
كيس من زهرة البرتقال
نصف كاس زيت
نصف كاس الحليب
ربع كاس زايد شوية زبدة مذابة
ربع كاس ماء الزهر
معلقة ص قرفة
معلقة ص سكينجبير
كيس و نصف خميرة الحلوى
الدقيق حسب الخليط
الحشوة :
400غ لوز
400 غ كركاع (جوز)
طريقة تحضير فقاص باللوز و الكركاع:
في قصرية كندير البيض، السكر، الملح، القرفة، السكنجبير و زهرة البرتقال.
كنخلط كلشي وكنظيف الزيت والزبدة وكنعاود نخلط صافي من بعد تنظيف الحليب الماء الزهر و الدقيق والخمارة ونصف العجينة كتكون رخوة نوعا ما يعني ما كتلصقش في اليد.
كنقسمها لجوج كرات متساوية، من بعد نطلق الكرة الأولى على شكل مربع و كناخد بيضة مخلطة مع نيسكافي
کندهن العجينة وكنحط 200 غ اللوز مع 200 غ كركاع وكندهنهم بخليط البيض مع نيسكافي وكنرولي بلا ما نزیر کنشكل حربول.
كنحطو في لاطة مفرشة بورق الزبدة و نفس الطريقة كندير للعجين المتبقي وكنحطو حتی هو في لاطة.
صافي کندهن بالبيض وكنزين بالفورشيط وكناخد إبرة كنثقب العجين وكندخل الاطة للفرن بارد شاعل غير التحت درجة حرارة منخفضة حتى كيبان لي تنفخ وتحمر شوية من التحت
عاد کنشعل من الفوق غير شوية يقبط راسو صافي متخرجة وكنغطيه ليلة كاملة حتى الصباح.
في الصباح كنغلفو كل باكيط بالسولفان وکند خلو للمجمد واحد نصف ساعة کنجبدو كناخد سكين حاد وكنقطع فيه هاذ الطريقة كاع ما کیتھرس.
من بعد کندخل الفقاص للفرن عافية متوسطة يتحمر من كلتا الجهات وحتى المكسرات يتحمرو وبالصحة والراحة.
من إعداد cuisine_ghita_adam@
تعليقات
إرسال تعليق