غريبة الكوك و السميدة سهلة و اقتصادية بالطريقة المغربية التقليدية

تعتبر غريبة من أشهر الحلويات التي تقدم على طاولة المناسبات و الأعياد في المغرب و خصوصا غريبة السميدة و الكوك ، و تتميز بطعمها الرائع و شكلها المميز ، و في هذه الوصفة سنقدم لكم طريقة تحضير غريبة الكوك و السميدة ، بمكونات بسيطة و على الطريقة المغربية التقليدية تتجي معلكة و هشيشة ،تذوب في الفم ، من موقع وصفات .

مقادير غريبة الكوك و السميدة:
2 بيضات كبار الا كانو صغار ديرو 3
كاس عنبة سكر
كاس الا ربع زيت
قبصة ملح
ربع كاس مربى مشماش
خميرة حلوى
قشور الليمون
رأس ملعقة صغيرة من لاروم الليمون أو عصير الليمون
رابعة الكوك (250غ)
رابعة السميدة الرقيقة نوعية جيدة(250غ)
التزيين:
سكر صقيل سبيسيال

طريقة تحضير غريبة الكوك و السميدة:
في قصرية كندير البيض السنيدة الملح كنطربهم مزيان
تنضيف السكر وكنعاود نطرب مزيان من بعد كنضيف المربى و قشرة الليمون وكروم الليمون كنخلط الكل جيدا وكنظيف الكوك وانا كنجمع العناصر.
بعد ذلك ضفت السميدة و خميرة الحلوى ودلكتها مزيان وغطيتها من 15 د قيقة حتی نصف ساعة.
کنکورها وكندوزها في سكر صقيل وكنحطهم في صفيحة الفرن مفروشة بورق الزبدة حتی کنسالهيم و كناخد ملعقة صغيرة كنظغط عليهم قليلا وفهاذ الاثناء الفران مسخن من قبل على عافية متوسطة.
دخلت الغريبة للفرن و العافية فوق منها حتى تشققات وطلعتها الفوق طيب من التحت صافي کنخرجها وكنخليها تبرد عاد كنحيدها

نصائح :
مدة الطهي ما بين 12 د حتى 15 د باش ما تقصاحش.
ضروري من الكوك إكون ميدم وكذلك السميدة تكون نوعية جيدة و حتی سكر صقيل يكون نوعية جيدة باش يبقى فوق الغريبة وبالصحة والراحة.

من إعداد ghita_adam@