طريق تحضير غريبة البهلة ساهلة ماهلة، سريعة و وناجحة بمكونات موجودة في البيت.
مقادير غريبة البهلة ساهلة ماهلة:
4 زلايف دقيق ابيض
كاس سكر كلاصي (سكر ناعم)
خمار أو خميرة الحلوى
كيس فاني
ملعقة صغيرة قرفة
زلافة ونص زيت نباتية
طريقة تحضير غريبة البهلة ساهلة ماهلة:
في قصعة غادي ندير أربعة ديال الزلايف ديال الطحين، طبعا لي هو الفورص لي كيكون رطب. كنزيدو كاس ديال السكر قلاصي لي هو سكر بودرة.
تنضيف خمارة وحدة كنزيدو الفاني او شوية ديال القرفة، تقريبا واحد المعلقة صغيرة.
كنخلطو النواشف ديالنا حتى كيتجانسو او كنجمعوهم بزلافة ونص ديال الزيت.
كيف غادي تلاحظو غادي نحصلو على العجينة للي كتكون مرملة وفي نفس الوقت كتجمع.
غادي نخليو الخليط ديالنا يرتاح واحد نصف ساعة وغادي نبداو نشكلوه.
كنشكلو منها كرات لي كيكونو متساويين وكنحطوهم في الصينية ديال الفرن. صافي وكندخلوهم يطيبو. كنسخنو الفران ديالنا على 160 درجة وكنخليو الغريبة ديالنا يطيب من الفوق حتى كتشقق.
وكنشعلو ليها التحت باش كتكمل الطياب ديالها. او كيكون هدا هو الشكل النهائي ديالها كما في الصورة. كنتمنى انها تعجبكم بالصحة والراحة.
تعليقات
إرسال تعليق