تحضير صابلي شميشة بالنوكا

صابلي شميشة بالنوكا من اسهل و اسرع الحلويات التي يمكن ان تحضري في المناسبات و الأعياد، صابلي راقي و لذيذ. 

مقادير صابلي شميشة بالنوكا : 

100 غ الزبدة الحيوانية (زبدة العبار) 

ربع كاس زايد شوية سكر

معلقة كبيرة الزيت

جوج معالق كبار لوز مطحون بقشورو

بيضة

قبصة الملح

معلقة كبيرة كليكوز

طريقة تحضير صابلي شميشة بالنوكا : 

کنخدم هاذشي مزيان حتى يولي الخليط بحال الكريمة وكنزيد معلقةصغيرة الكليكوز باش يجي الصابلي مقرمش. كنبقى نضيف فالدقيق حتى كتجمع العجينة ما قاصحة ما جارية معروفة عجينة الصابلي كيف كتكون. 

كنخدمها غير بالاصابع وكنغلف العجين وكندخلو للثلاجة نصف ساعة يرتاح.

من بعد كنطلقو سمك متوسط وكنقطعو بالقطاعة ديال الشميشة وكنحط الصابلي فوق لاطة لي مفرشة بورق الطبخ ضروري باش النوكا ما تلصقش. 

منين طيب كنسالي تشكيل الصابلي كناخد قفالة صغيرة كنقطع بيها الصابلي من الوسط هكا باش نخوي العجين من الوسط ونلقى فين ندير النوكا كيف ما موضح فالصورة وكنخلي العجين يرتاح وكنحضر النوكا. 

طريقة النوكا: 

50 غ زبدة حيوانية 50 غ السنيدة و 50 غ الكليكوز كنحط كلشي فوق نار متوسطة مجرد كيبدا الخليط يغلي كنضيف ليه 100 غ اللوز ايفلي وكنحرك الخليط ونطفي عليه نخليه يدفى شوية وكناخد منو. 

كنشكلهم على شكل حبات يكونو قد الحمص ونحطها فوسط العجين لي خويت وكندخل الصابلي للفران لي مسخن ما قبل والعافية متوسطة كيكون شاعل غير التحت يطيب ويتحمر عاد كنشعل الفوق وبالصحة والراحة. 

من إعداد ghita_adam@