سلطة بالأرز والتفاح سهلة وشهية

نقدم لكم طريقة تحضير سلطة رائعة و شهية بالأرز والتفاح سهلة ولذيذة للغاية.

مقادير سلطة بالأرز والتفاح:

1 زلافة الروز كلاصي

شوية اللوز محمر ومقطع

شوية الكركاع(جوز) مصهد ومقطع

شوية التمر مقطع

شوية الزبيب والمشمش مرقد في ماء الزهر

تفاحة

2 بنانات (موز)

حبة لافوكا

حبة الكيوي

حبة الكيوان اختيارية

حك دانون طبيعي والمايونيز

ملعقة كبيرة عسل

ملح حسب الذوق

عصير نصف حامضة

طريقة تحضير سلطة بالأرز والتفاح:

في طنجرة نضع شوية الزبدة وكنحمرو فيه الروز مزيان ثم كنضيفو الماء الكافي حتى يتغطى الروز مع قرصة الملح وحبة الباديانة(عشبة النجمة أو اليانسون النجمي) حتى يتصلق ويتسقطر تم كنقطعو جميع الفواكه الطرية مربعات صغار تم نضعهم في زلافة كبيرة بها عصير الحامض وكنقطعو الفواكه الجافة حتى هي.

بعد ذلك كنخلطو الكل مع صلصة بها دانون طبيعي والمايونيز وعصير الحامض وقبصة ملح وم ك عسل وكناخدو قالب ندهنوه بشوية الزيت ونرشوه بشوية الفواكه الجافة ونعمرو القالب بخليط الروز والفواكه وندخله الثلاجة الى حين التقديم ونقلب القالب في صحن التقديم تم يزين بالفواكه، بعد ذلك تقدم بالصحة و العافية.

من إعداد انوال سعاد السوسية