شاورما الدجاج مع صلصة الثومية المنزلية

طريقة تحضير شاورما الدجاج مع صلصة الثومية المنزلية سهلة وسريعة بمذاق رائع مثل المطاعم.

مقادير شاورما الدجاج مع صلصة الثومية المنزلية:

خبز التورتيلا

شرائح صدر الدجاج مقطع رقيق

نصف معلقة صغيرة ملح

معلقة صغيرة تحمرة

معلقة صغيرة خرقوم

معلقة كبيرة عطرية شورما

3معالق كبار ياغورت طبيعي

ربع قشور حامض محكوك

نصف حامضة معصرة

4ثومة محكوكين

ربع كأس زيت زيتون

مقادير صلصة الثومية :

كاس ماء

2معالق صغار نشا

معلقة كبيرة ثوم محكوك

3معالق كبار عصير حامض

نصف كأس زيت زيتون

كاس صغير حليب

نصف معلقة ملح

كأس ياغورت طبيعي

طريقة تحضير شاورما الدجاج:

نخلط جميع المكونات و نرقد فيهم الدجاج على الأقل ساعتين .

كناخدو بصلة و قشور حامضة مدورة نشققها في الجناب و نتبتها على بصلة باعواد شواء ، نحط عليهم دجاج مستف وحدة على وحدة ونغطيهم بورق الطهي ، نزيد نكمدهم ببلاستيك غذائي و نزيد ورق الألومنيوم ، ندخلهم الفرن مدة ساعة و نصف ونحل عليهم الورق و نخليهم يتحمرو .

طريقة تحضير صلصة الثومية:

في كاسرون نضيف الماء و النشا و نحركهم حتى يولي الخليط كريمي خاتر و نخليه على جنب .

نأخد خلاط كهربائي و نخليط فيه جميع المكونات الأخرى و نخلطهم مزيان و نزيد الخليط اللي على جنب و نخلط مزيان.

طريقة التشكيل :

نأخد خبز التورتيلا ، ندهنه بشوية من الصلصة و نعمر بشوية الخص و نزيد الكورنيشو و البصل معسل اللي طابت عليه الشورما و طريفات الدجاج و الطماطم مقطعة(اختيارية)، نجمع الخبز ثم نضعه في آلة البانيني.

نقدم الشوارما مرفوقة مع صلصة الثومية.

بالصحة و الراحة.