كبدة مشرملة بالبصل في الفرن

عدد الأشخاص: 4

مقادير كبدة مشرملة بالبصل في الفرن:

1/2 كيلو كبدة

2 بصلة مفرومة

3 ملاعق خل

1 عصير ليمونه

1/2 ملعقة فلفل اسود

1/2 ملعقه ملح

1/2 ملعقة كمون

1/2 ملعقة كزبرة ناشفة

1/2 ملعقة بابريكا

2 فلفل ألوان مقطع مكعبات

2 فلفل حار اختياري

1 ملعقة كبيرة زبدة

3 ملاعق زيت

طريقة تحضير كبدة مشرملة بالبصل في الفرن:

1. أولا نقطع الكبدة مكعبات أو شرائح زي ما تحبي واغسلها بس مش كثير وصفيها في مصفاة

2. إحضري صينية وضعي فيها البصلة المفروم والملح والفلفل والكمون والبابريكا والكزبرة والخل والليمون والفلفل الألوان والفلفل الحار وادعكيهم بأيدكي جيدا بعد ذلك ضيفي الكبدة وقلبيها جيدا مع الخليط وحوطي نصف كوب ماء وحوطي الزيت والزبدة على الكبدة

3. دخلي بنا الصينية الفرن لحد لما تستوي الكبدة وتتشرب كل كمية الماء يعني سيبيها حوالي نصف ساعة في الفرن.

4. بعد لما تستوي قدميها بجنب البصل المشوح و البقدونس أو المعكرونه، أو أعمليها ساندوتشات وجنبها بطاطس محمرة وسلطات وبابا غنوج بتكون حلوة جدا وسهلة جربيها هتعجبك أوي ومتنسيش المخلل والخيار والطماطم.

وصفة مشابهة: كبدة مشرملة بدون بصل