صابلي بالمربى بطريقة سهلة وسريعة

نقدم لكم صابلي بالمربى بطريقة سهلة وبمقادير مضبوطة، تعطي كمية كبيرة لشرب الشاي و المناسبات و الأعياد، بمذاق رااائع.

مقادير صابلي بالمربى:

250غ زبدة طرية

125غ سكر ناعم مايعادل كاس الا ربع

نضيف بيضة كاملة + صفار بيضة

نصف كاس نشاء

قشور ليمونة

كيس فانيلا

الدقيق حوالي 500غ

نصف كيس خميرة الحلوى مايعادل 5غ

قبصة ملح

طريقة تحضير صابلي بالمربى:

في وعاء نضع زبدة طرية مع سكر ناعم، نضرب المكونات بالمضرب الكهربائي حتى نتحصل على كريمة خفيفة.

ثم نضيف بيضة كاملة مع صفار بيضة نواصل

الخفق ثم نحبس المضرب و نواصل الخلط باليد.

نضيف نصف كاس نشاء مع قشور ليمون

فانيلا و نخلط، ثم نجمع العجينة بالدقيق، و ضيف

نصف كيس خميرة الحلوى، و قبصة ملح و نمزج الكل.

نرش طاولة العمل برشة بالدقيق، ثم نفرد العجين سمك نصف ستم. 

نطبع العجين بمرشم على شكل دائري أو بأي طابع تاع صابلي.

ضروري ندخل الطابع في الدقيق باش ما يلتسقش في عجينة الصابلي.

ندخل الحلوة للفرن على 170° درجة حتى يكتاسبو اللون الذهبي الخفيف.

بعد ذلك نرش الصابلي المفتوح بالسكر الناعم، ثم نلسقه مع الحبة الأخرى بالقليل من مربى المشمش أو الفرولة، و نزید نعمر الثقب لي في الوسط بالمربى، و بالصحة والعافية.

كانت هذه مراحل تحضير حلوة صابلي بالمربى بطريقة سهلة وسريعة، تيجي هشيش ولذيذ.

وصفة مشابهة: صابلي بالكراميل