بسطيلة اللحم والفواكه الجافة

بسطيلة اللحم والفواكه الجافة تتجي معلكة وبمذاق رووعة.

مقادير بسطيلة اللحم والفواكه الجافة:

كيلو ونصف من اللحم

بصلة مقطعة رقيقة

معلقة السمن

معلقة عطرية الحم والمروزية

السكنجبيروالبزار والخرقوم والقرفة عواد والملح

شوية الماء

طريقة تحضير بسطيلة اللحم والفواكه الجافة:

نشرمل اللحم ونخليه مرقد واحد ساعة تم نشعل عليه ونشحرو مزيان تم نضيف ليه كيلو من البصل مقطع رقيق والزعفران حر والماء والزيت الزيتون او العادي تقريبا نصف كاس صغير ونسد عليه حتى يطيب اللحم ونحيدو الباقي. 

نضيف ليه معلقة العسل ومسكة الحرة مدقوقة وشوية القرفة و2 معالق ماء الزهر ونخليها حتى تعلك وتوقف وميبقاش فيها الماء ونطفي عليها ونعملها في صفاية تقطر تم نضيفها على اللحم ليفرتتناه من بعد میبرد.

في كسرونة نضع 200gمشماش+ 300gبرقوق+ 100gزبيب ونصب عليهم الماء مع عواد القرفة ونخليهم يتصلقو تم نضيف عليهم السكر والقرفة ومعلقة زبدة ونخليهم يتعسلو مزيان ونضيف عليهم ماء الزهر

ونطفي عليهم من بعد میبرد نقطع البرقوق والمشماش طريفات صغار ونضيفهم على الزبيب.

ناخد 500g اللوز مصلوق ومقلي ومطحون نضيف ليه 3معالق كبار سكر صقيل والقرفة والمسكة وماء الزهر نخلط الكل .

ناخد صينية نستف فيها الورقة ونضع طبقة اللحم والبصل تم رشة من اللوز تم طبقة من الفواكه الجافة المسلة تم اللوز ونسدها بالورقة وندهن الوجه بأصفر البيض وندخلها الفرن حتى طيب وتحمر ونزينها حسب الرغبة وبالصحة والراحة.

وصفة مشابهة: بسطيلة الحوت على الطريقة المغربية

من اعداد @cocinanour