شفنج مغربي

موقع وصفات يقدم الشفنج بحال ديال الزنقة مقادير و طريقة تحضير الشفنج بحال ديال الزنقة.

شكون لي تيعجبو الشفنج تيجي رائع و خصوصا مع  براد ديال أتاي مشحر، خصوصا إلا كان من صنع ايدينا، جا أحسن من ديال الزنقة.

مقادير شفنج مغربي :

نصف كيلو فورص أو دقيق ابيض

ملح

نصف معلقة صغيرة سكر

معلقة كبيرة خميرة الخبز

ماء دافئ

طريقة تحضير شفنج مغربي:

نخلط الكل مع اضافة الماء تدريجيا وحنا كندلكو كنهزوه الفوق ونخبطوه بايدينا مزيان العجين تكون خفيقة وكتلصق في اليد.

ونغطيوه ونتركه يختمر ويتضاعف حجمه ونأخد 2 مقلاة واحدة نعمل فيها 3 أو 4 معالق كبار الزيت والمقلة الاخرى نعملوا فيها زيت غزير وندهنوا ایدینا بالزيت وناخد قطعة من العجين ونعملو فيها ثقب الوسط تكون ايدينا خفيفة ونرميوها مباشرة في المقلة اللي فيها الزيت قليل ونتركها 2 د حتى تتماسك ونحولها للمقلاة الثانية ونخليها على نفس الوجه حتى تتحمر ونقلبها على الجهة الاخرى حتى تنضج ونزلها فوق ورق المطبخ.

و نقدمه بالصحة والراحة كيجي هائل ومكيشربش الزيت.