نقدم لكم طريقة تحضير بتي بان سهل وسريع بالصور، تيجي لذيذ و ناجح مثل المحلات.
المقادير:
1 كيلو دقيق ممتاز اللي هو سبيسيال
150 سكر سنيدة
100 غرام زبدة ماركارين
20 غرام ملحة
50 غرام خميرة دار
بودرة ليندا 20 غرام السر للي كتخلي البتي بان منفوخ (متوفرة عند لي
كيبيعو لوازم الحلويات)
100 غرام حليب بودرة
طريقة التحضير
کنخدموووو الزبدة وسنيدة ونخلطوها مزيان حتى تنسجم وتصبح على شكل بومادا.
الدقيق مع الماااء على حسب الخليط خاص العجينة تكون رطبة من بعد نضيفو الملحة ونعجنوو مزياان بيدينا ونضيفو بودرة ليندا ونبقاااو نعجنو مزيان، ونضيفو عليها لخميرة ونعجنوو مزيان حتى تدخل فالخليط.
وندلكوها ونطلقوها مزيان بالمدلك وندخلوو للثلاجة باش تسرح الزبدة ونعاودو الطريقة ثلاثة المرات ونسرحوها شوية عريضة باش تخرج على شكل مستطيل.
کنديروها فبلاستيكة لمدة نص ساعة ونخرجوها.
من بعد ناخدو 250 غرام زبدة وندخلوخها وسط العجين بحالة غادي نخدمو العجينة المورقة من بعد نطويوها وندخلوها مجددا للمجمد من بعد نخرجوها من الثلاجة ونقطعوها مستطيل كيف ما عندكم فالصور.
من بعد نديرو وسطو الشكلاط ونطويوه ونديروه يخمر على خاطرها من بعد ندهنوها من الفوق البيض باش تعطي شكل مدهب.
من بعد ندخلوها لفران درجة الحرارة 140 مدة 20 دقيقة وبالنسبة لفران غاز حتى يسخن مزياان.
وندخلوها 5 دقايق ونطفيو على الفران من بعد فاش يتنفخ البتي بان نرجعو نشعلو عليه الفران ومرة مرة عينك ميزانك عليه
وبالنسبة بودرة ليندا هي السر اللي كتخلي. البتي بان منفوخ هاداك هو السر ديالو، وبصحتكم وراااحتكم البتي بان.
تعليقات
إرسال تعليق