رفيسة حليمة الفيلالي

نقدم طريقة تحضير رفيسة مغربية سهلة ولذيذة  بخطوات بسيطة على طريقة حليمة الفيلالي.

مقادير رفيسة :

دجاجة أو حسب عدد الأشخاص

بصلة متوسطة لحجم

ربطة كزبرة ومعدنوس مخلط

نصف كأس حلبة (الكمية حسب الذوق)

ملعقة صغيرة رأس الحانوت (المساخن)

كأس عدس

ملعقة صغيرة سكنجبير (زنجبيل)

ملعقة صغيرة كمون

ملعقة صغيرة كركم

ملعقة صغيرة ابزار

ملعقة صغيرة ملح

العجين:

نصف زلافة فينو

قبصة ملح

قبصة خميرة حبوب

ماء دافئ لجمع العجين

زلافة دقيق ابيض

زبدة ذايبة مخلطة زيت حسب العجين

التزيين:

بيض وجوز أو حالمتوفر

طريقة تحضير رفيسة :

في إناء كندير دقيق وملح وخميرة، كنجمع بماء دافئ مزيان لعجين كنديرو كويرات متوسطة لحجم وكنخليهم يرتاحوا

في كوكوط أو طنجرة الضغط كندير دجاج بعد ما نقيت كندير ليه لعطرية وبصلة مقطعة رقيقة وكزبرة ومعدنوس ثوم والعدس وزيت يمكن إضافة حلبة حسب الذوق او كنطيبها بوحدها كنزيد لماء شوية زايد باش يكون عندي لمرق كنسد لكوكوط حتى تطيب اي تستوي ونطفي عليها.

كنذوب زبدة فكسرول ونزيد ليها زيت كنسرح لكويرات بزيت وزبدة حتى يبان سطح العمل كنسخن مقلاة وكنرشها بزيت نطيبهم كندير الأولى كنقلبها كندير فوق منها تانيه وكنقلبها وندير ثلات ولي طابت نحيدها كنستمر فنفس لعملية حتى نسالي كنقطع تريد ديالي قطع متوسط وكان فورو فلكسكاس. ونقدمو في طبق تقديم كندير مغرفة مرق دجاج وكندير عليه تريد.

كنسقيه بالمرق كنوضع الدجاج والعدس والحلبة والثوم فوق منو كنزينو بالبيض ولكركاع حسب الرغبة والتزيين اختياري و نقدم الوفيسة ساخنة و بالصحة والعافية.