مقادير حلوة الكوك

نقدم لكم طريقة تحضير حلوة الكوك المملكة لذيذة و سهلة بمذاق قمة في الروعة و خصوصا عند تناولها مع الشاي.

مقادير حلوة الكوك

500غ أو نصف كيلو من الكوك من النوعية الجيدة

كأس إلا ربع من الزيت

كاس معمرش ديال سكر سنيدة أو حبيبات

مبشور ليمونة (حامضة)

كيس بيكنج باودر (خميرة حلويات)

قبصة ملح

3 حبات بيض كبيرة

ملعقة كبيرة من الناباج (يمكن تعويضه بملعقة كبيرة من مربى المشمش أو نصف ملعقة كليكوز)

حب الملوك المجفف أو أي فواكه معسلة

طريقة تحضير حلوة الكوك

في إناء مناسب نضع البيض والسكر وقبصة ملح نخلطهم جيدا  بالباتور الكهربائي أو الطراب اليدوي لمدة 5 أو 6 دقائق حتى يصبح لون الخليط أبيض.

بعد ذلك نضيف الزيت بالتدريج مع الخلط جيدا بالطراب، ثم نضيف مبشور الليمون ودائما مع الخلط.

ثم نضيف الكوك المطحون قليلا باش تجي الحلوة رطبة، ثم نبقاو نزيدو الكوك ونخلطو العناصر تدريجيا، ثم نضيف خميرة الحلوى ونخلط الكل.

نضيف الناباج  أو المربى، ثم نجمع العجين باليد حتى نحصلو على خليط ميكونش خفيف بزاف وميكونش تقيل بزاف بحيث يسهل تشكيلها بالبوق، تكون تتلسق شوية، ثم نطربو بيضة ونضيفها للخليط.

بعد ذلك نضع كمية من العجين في البوق ونشكلها في صفيحة الفرن على شكل وردة، ثم نزينها بقطع من حب الملوك أو أي فاكهة معسلة.

ندخل الحلوة للفرن مسخن من قبل على 170 درجة تقريبا مدة 8 دقائق

نصائح

بالنسبة للكوك ناخدو نوعية جيدة باش تنجح معانا الحلوة، بحيت يكون مزيت قليلا يعني فاش نحكوه بين يدينا يطلق لينا الزيت.

نردو  البال مع الحلوة فاش تكون في الفرن حيت دغيا كطيب نخليوها تاخد لون ذهبي ونخرجوها.

يمكنكم مشاهدة الطريقة بالتفصيل من خلال هذا الفيديو