دجاج محمر على الطريقة المغربية بطريقة أعراس

نقدم لكم طريقة تحضير دجاج على طريقة المغربية بطريقة أعراس سهل و لذيذ بطريقة إحترافية.

المقادير :

6 دجاجات (الكمية حسب عدد الأشخاص)

ونتوما بداو غير بدجاجة وحدة

طريقة التحضير:

نغسلو الدجاج بالملح و الخل و سكين جبير و نخلوه إيبات في الترقيدة ديالو حتى للصباح و نغسلوه مزيان و نحطوه يتسقطر

شرمولة:

-بصلة كبيرة

-نصف كأس زيت

– 3 معالق كبار سكين جبير

-3 معالق خرقوم بلدي

-ملعقة صغيرة مخلطة بسيبيسة و قعقلة مطحونين

ملعقة كبيرة إبزار

-ثوم مدقوق 6 فصوص للدجاجة

-ربطةقزبور وربطة معدنوس

-شوية من ملون آصطناعي

-عصير 2 حامضات

-( بنسبة لبصلة لكونة غدي نخلو دجاج أكتر من 24 ساعة نكتفي غير بثوم باش متلاقش لينا بصلة لمرورة ديلها)

طريقة  تحضير دجاج محمر :

تنخلطو جميع المكونات مع كأس كبير من الماء

ناخدو دجاج ونتقبوه بسكين او شوكة ثم كنبداو نرقدو الدجاج في الشرمولة و حنا كندخلوها مزيان ما بين اللحم و الجلدة و أيضا وسط الدجاجة ثم كنربطو ليهم رجليهم كنرقدو الدجاج ليلة كاملة.

ناخدو طنجرة كبيرة نديرو فيها كأس صغير زيت مخلط بلدي ورومي حتى يسخن وحطو دجاج

و نخلوه يتشحر شوية نقلبو الدجاج على صدرو ونزيدو حامضة مصيرة + 6بصلات كبار مشلضين ونزيدو الماء من احسن اكون ساخن تقريبا حتى يتغط ربع لكتير ديل دجاج نزيدو عاشق سمن كبيرة و شوية ديل زعفران شعرة شوية ملح ونضيفو تقريبا عصير 2 حامضات نخلوه حتى يطيب مزيان من بعد نحيدو الدجاج نخلوه انشف شوية نزيدو عالمرقة لكبيداة لصلقنا من قبل نخلوه على العافية باش ينقص المرق حتى يعقاد نحطوه دجاج في لاطة و ندهنوه بالسمن او الزبدة مدوبين ونزيدو عليهم زوج معلق كبار مطيشة لحك زوج معلق هريسة تيجيو بنان وزوينين احسن من لقلي و ندخلوه للفرن يتحمر.

-كنسلقو الزيتون ونصفوه و نزيدو عليه مغرفة من المرق.

في الأخير كنحطو الدجاج في طبق التقديم و نخويو شوية المرق و نزينو بالزيتون و كل واحد كيزين حسب الذوق ديالو و بالصحة والراحة.