بسطيلة الحوت اقتصادية وسهلة

بسطيلة الحوت اقتصادية وسهلة

المقادير والطريقة :

كناخدو کیلو حوت میرلا او اي نوع حوت ابيض نقطعوه قطع متوسطة كنديرو شرمولة لي کیکون فيها معلقة خرقوم نصف معلقة ابزار معلقة عطرية الحوت شوية الهريسة شوية سودانية ملح معلقة تحميرة قزبر و المعدنوس و لكن معدنوس يكون غالب نصف كاس

عصير الحامض حامضة مصيرة مقطعة رقيقة و 4 فصوص دیال ثوم کنور خاصة بالحوت 2 معالق صوص صوجا 4 معالق زيت زيتون

کنشرملو الحوت و ندخلوه الفران يطيب من بعد نفرتوه او نحيدو ليه شوك اما الكلمار كناخدو 500غ کنسلقوه واحد 2 دقيق في الماء و الحامض و ورقة الرند من بعد كنقطعوه و نشحروه في مقلة مع

معلقة من ديك شرمولة لي وجدنا.

من بعد ناخدو 500غ كروفيت نشحروه مع شوية شرمولة حتا هوا دبا مني وجدنا الحوت کامل كناخدو شعرية 200 غ نسلقوها نسفیوها و نديرو معاها شوية شرمولة نخلطو مزيان ناخدو واحد بواطة ديال فطر اسود نرقدوها في الماء سخون حتى يتنفخ ونقطعوه نزيدوه على شعرية و نزيدو کروفيط كلمار.

نخلطو كلشي نخليو ميرلا حتال اخیر باش متفرتتش بزاف وهاهيا الحشوة موجودة.

اخيرا المونطاج کندهنو الورقة بالزبدة و زيت و نبداو نشكلو في البسطيلة كنديرو شوية الحشوة و نديرو شوية الفرماج احمر او مودزریلا نزيدو الحشوة نديرو فرماج و اخیرا نغلقوها ندهنوها بالبيض و ندخلوها الفران طيب تزيين حسب الرغبة.