مقادير كيكة مغربية بالقهوة و الكاكاو رائعة بالصور
مقادير كيكة بالقهوة :
3 بيضات
كاس سكر
كاس زيت
كاس الحليب
معلقة كبيرة القهوة نيسكافي مع كاس ماء مغلي
3كيسان و نصف الدقيق
2خمارات حمراء
معلقة كبيرة بودرة الكاكاو
شوية الكركاع مهرمش اختياري او ممكن تعويضه باللوز او كاوكاو لي متوفر
العبار بكاس العنبة
سيرو لسقي كيكة القهوة :
كأس الماء
معلقة كبيرة سكر
معلقة صغيرة نيسكافي
نديروه حتى اغلى ونطفيو عليه
طريقة تحضير كيكة القهوة :
كنخلطو البيض والسكر وزيت والحليب مزيان فضراب ونزيدو كاس نيسكافي سخون مع التحريك المستمر
نصبوه فالاناء نزيدو الدقيق مغربل مع الخميرة شوية بشوية حتى تكملو نزيدو الكركاع مهرمش ونصبوه فالمول مدهون بالزبدة و مرشوش بالكركاع مهرمش
كنسخنو الفران على حرارة 150 درجة نديرو المول ونطفي العافية من الفوق حتى طلع مزيان 35دقيقة حسب الفران عاد نشعلو الفوق حتى تحمر
نصبو عليها سيرو وهيا سخونة ونزوقها حسب الرغبة
انا زوقتها بالشكلاط و كراميل و الكركاع مهرمش
وبالصحة و الراحة.
تعليقات
إرسال تعليق