رغايف الفرن بحشوة مالحة
رغايف الفرن بحشوة مالحة
طريقة تحضير رغايف مطهوة في الفرن بحشوة مالحة…كيجي مورق و راااائع.
على بركة الله إليكم طريقة التحضير
مقادير العجين
نصف كيلو دقيق أبيض (فورص)
ملح
ملعقة صغيرة خل
ماء بارد (من الصنبور)
طريقة تحضير العجين
نمزج المكونات مع بعض و نضيف الماء بالتدريج.
العجين لازم مايكونش رخو …يكون قاصح شوية.
يدلك جيدا ثم نغطيه ببلاستيك غذائي
و نخليه يرتاح 15 دقيقة و نعيد دلكه جيدا
نشكل منه كويرات صغيرة تدهن بالزيت.
و نخليها ترتاح 10 دقائق حتى يسهل توريقها.
الحشوة
يمكنكم اختيار أي حشوة تفضلون
هنا عملت بصل مفروم أضفت إليه الصلق (يمكن تعويضه بالسبانخ)
و كبد الدجاج مصلوق و مقطع
و قطع من الحامض المصير و شوية خرقوم بلدي
و ملح و فلفل أسود و رشة قرفة
خليت الكل على النار حتى نضج
نخلي الحشوة تبرد تماما و نمر إلى تحضير الرغايف
كل رغيفة كنعمل فيها 3 كرات عجين
ممكن تعملوا حتى 6 رغيفات كيجي راااائع.
ناخذ الكويرة الأولى نورقوها بالزيت
و نضع الحشوة في الوسط و نطويها على اربع
نورقو الكويرة الثانية و تدهن بالزبدة و نضع وسطها الرغيفة المحشوة التي حضرناها سابقا.
ثم الثالثة كذلك تورق و تدهن بالزبدة و نضع وسطها الرغيفة المحضرة.
وهكذا كل رغيفة نحضروها بثلاث كويرات من العجين
حتى نكمل الكمية.
تبسط و تدهن بالبيض الممزوج مع شوية خل.
و تطهى في فرن ساخن.
و تقدم بالصحة و العافية.
© copyright 2022 – جميع الحقوق محفوظة