نقدم لكم اليوم طريقة عمل حلوة الكوك والسميدة عالم سعاد بخطوات سهلة وسريعة وناجحة من أول تجربة بمكونات إقتصادية.
مقادير حلوة الكوك والسميدة
4 بيضات1 كاس كبيرة سكر
1 كاس كبيرة زيت
2 كؤوس ونصف سميد رقيقة (خاص بالحلويات)
250 غ كوك رقيقة (نوعية جيدة)
1 كيس خميرة حلوة
رش ملح
2 معلقة كبار قشور حامض
2 معلقة كبار مربى مشمش
للتفنيد:
سكر ناعم
ماء الزهر لمسح اليد وتكوير غريبة
طريقة تحضير حلوة الكوك والسميدة
في إناء مناسب نضيف بيض وسكر وقشور حامض ورش ملح نخلطو باليد مزيان حتى يذوب سكر.
ونضيف زيت و مربى والكوك نخلطهوم ونضيف السميد وخميرة (في حالة بقي الخليط رخو يمكن إضافة قليل من سميد).
ثم نتركه 15 دقيقة على جنب باش تشرب ثم نشكلوه كويرات ونفندوهوم فالسكر ناعم ونضعطو بالابهام في وسط كل حبة ثم نديرهم في صينية الفرن.
بعد ذلك تطهى الغريبة، ندروها في الفرن من التحت لي تتشقق وطلعوها الفوق مدة لطهي 10 دقائق الى 15 دقيقة وتقدم بالصحة والعافية.
تعليقات
إرسال تعليق