طريقة عمل بلح الشام بالمقادير
لمحبي بلح الشام. في هذا المقال سنقدم طريقة عمل بلح الشام بالمقادير والصور، إقتصادي بدون بيض وبمذاق سيعجب الصغار والكبار.المقادير:
كوب ونص من الماء2 معلقة كبيرة سكر
2 معلقة كبيرة زيت
كوب وربع من الدقيق
رشة من الملح
1 معلقة كبيرة نشا
1 معلقة كبيرة بودرة كاسترد أو نشا
للشربات او العسل :
كوب من الماء
1 كوب سكر
ملعقة صغيرة فانيليا
عصرة نص ليمونة
طريقة التحضير
1.للشربات: بنضيف مكوناته عالنار من غير ما نقلب خالص لحد ما يغلي ويتقل شويه وبعد ما نطفي غليه بنضيف عصرة الليمون ونتركه يبرد بدرجه حرارة الغرفة.
2. لبلح الشام: بنضيف الماية والسكر والزيت ونقلب على البارد.
3. بعدين بنرفعهم عالنار لحد ما يسخن قرب الغليان او حتى يغلي.
4. نضيف المكونات الجافة ونقلب كويس لحد ما تتكون عجينة لينة.
5. بنسيبها تبرد وبعدين نعجنها في العجان او يدوي شوية
6. في كيس حلواني بالبلبلة الخاصة ببلح الشام بنحط العجينة وفي طبق نضيف مسطح بنقطعها بالحجم المناسب ونقص بالمقص.
7. في زيت غزير سخن بننزل ببلح الشام ونوطي بعدها النار ونفضل نقلب باستمرار علشان يحمر من كل الجوانب
8. بعدين لما ياخد لون دهبي ننزل بيه في الشربات ونصفيه.
9. نقدم بلح الشام في طبق كده او ممكن نفتحة ونحشية قشطة كريمة رشة مكسرات فستق حسب الرغبة وبألف هنا.