طريقة عمل غريبة البهلة باللوز والجنجلان

طريقة عمل غريبة البهلة باللوز والجنجلان 

المقادير:

• كيلو دقيق ابيض (فورص)
• زلافة زبدة مذوبة نوع جيد او 250 غرام
• زلافة زيت ما يعادل 2 كيسان عنبةونصف
• زلافة سكر ما يعادل 2 كيسان عنبة ونصف
• زلافة جنجلان محمر شوية ومهرمش
• زلافة اللوز او الفول السوداني محمر شوية ومهرمش
• راس ملعقة ملح
• راس ملعقة قرفة
• 2 خمارات

طريقة التحضير:

ناخدو  الدقيق  ونضيف ليه جميع النواشف من بعد نزيد الزبدة ونرمل الخليط جيدا ونزيد الزيت ونجمع المكونات مزيااان.

وباش  تجيكم غزالة خودي حكاكة غليظة ودوزي فيها المكونات كتجي فنة.

شعلي الفران من بعد كوريها وستفيها فلاطة مبطنة بورق الزبدة.

دخليها للفران ونقصي العافية مزيان، والاهم طريقة الطهي ضروري العافية تكون فوجه الغريبة.

مثلا فرن الغاز غادي تشعلي التحت وهبطي الاطة لتحت تتشقق طلعيها لفوق.

والفرن الكهرباء غادي تشعلي الفوق وتحطي الاطة فالوسط حتى تتشقق  وطفي الفوق وشعلي لتحت وبالصحة والراحة.