مقادير بسطيلة الدجاج

لعشاق البسطيلة، في هذه الوصفة سنقدم لكم مقادير بسطيلة الدجاج مكتوبة مع طريقة التحضير بخطوات سهلة وسريعة ناجحة تتجي من داكشي الرفيع.

مقادير بسطيلة الدجاج:

2 دجاجات متوسطين

6 ملاعق كبيرة معدنوس

8 حبات بصل

زعفران شعرة

خرقوم بلدي

فلفل أسود

القليل من المسكة الحرة

زنجبيل

ملح

كأس عنبة زيت الزيتون

طريقة التحضير:

في الطنجرة كنديرو قطع الدجاج او نديرو عليهم الملح ، الإبزار ، الخرقوم ، الزنجبيل ، المسكة الحرة ، الزيت او نخلطو مزيان باش يتشرب الدجاج ديك العطرية و نضيفو البصل مشلض رقيق والمعدنوس او نخلطو الدجاج مع البصل ثم نضيفو 2 عواد قرفة او نشعلو النار حتى يطيب الدجاج او نحيدو .

ثم نضيفو لديك البصلة ديال الدجاج ملعقة كبيرة قرفة ز ملعقة كبيرة زبدة و سكر على حسب الدوق او نخليوها حتى تنشق تماما و تبقا غير البصلة.

ونطربو مزيان فشي إناء 8 بيضات و نبداو نضيفوه شوية بشوية مع التحريك المستمر و النار ماتكونش مهيلة و نستمرو فالتحريك حتى تبقا غير الزيت فالعقدة ديالنا او نطفيو عليه او نديروه فشي فصفاية ديال اينوكس حيت غانحتاجو داك المرق ديالو .

اللوز كانحتاجو 600غ مقشر و مقلي و مطحون و نزيدو عليه والكمية لي بغيتو ديال سكر كلاصي والقرفة ونخلطو مزيان حتى يندمجو ونزيدو عليه داك المرق لي صفينا ولكن عينينا ميزانا ايلا كان المرق كتير ما كانديروهش كامل.

صافي وكنمونطيو البسطيلة ديالنا كتجي رائعة ولذيذة، والتزيين يبقى حسب الذوق .