الدجاج محمر بالفريت

1. كتاخدي دجاجة وتغسليها مزيان بالحامض والخل وتخليها تقطر مزيان الا غسلتيها مثلا فالعشية بالليل شرمليه.

2. کتاخدي قلب دیال نص حامضة مصيرة و2 فصوص ثوم و نصف كأس صغير بالماء وطحنيهم فطحانة وزيديهم قزبور وبقدونس مقطع وزيدي ملعقة صغيرة سكنجبير ملعقة صغيرة خرقوم ونصف ملعقة صغيرة ابزار وزعفران وملح القليل من البسيبيسة تقريبا نصف ملعقة صغيرة تكونو مطحونة و سمن إلا عندك ممكن استبدالو بکنور دالسمن شرملي بيهم الدجاج وخليه يايبات او يبقى فالشرمولة على الأقل

ساعتين.

3. ثم دیریه فالطنجرة وزيدي 2 بصلات مشلظين وزيدي لعنوقة وخليه يصهد شوية ومرقيه عاد زيدي ليه زيت أو  الطنجرة الماء يغطي تقريبا الدجاج.

4  ملاحظة، الدجاجة (نحطوها على الصدر) ملي طيب نحيدوها من الطنجرة ونحطوها فوق شبكة ديال الفران تقطر.

5. ثم ندهنه بالزبدة، وندخله الفرن يتحمر، أو نقليه في الزيت.

6. وشدي لكبدة وسلقيها مع نقيطات خل غير 10 دقايق وحيديها وصفيها . 

ملي نحيد الدجاج من الطنجرة باش نحمرو نزيدي لكبدة ولعنوقة للمرق ونخليها تدغمر على نار مهيلة.

ثم نضيف الزيتون و الفريت (البطاطس المقلية)، وتقدم وبالصحة والعافية.