لعشاق البسطيلة، في هذه الوصفة سنقدم لكم طريقة عمل بسطيلات صغار بعجينة المسمن السحرية، وبمذاق قمة في الروعة.
مقادير العجين :
500 غرام دقيق أبيضنص خميرة حمراء
ملعقة كبيرة زيت الزيتون
ملعقة صغيرة ملح
معلقة خل أبيض
كانعجنو هاد العجين بماء دافىء
ونخليوه ارتاح 10 دقايق .
الحشوة :
آختيارية
طريقة تحضير بسطيلات صغار بعجينة المسمن :
1. في مقلاة كاندير بصلة مع شوية زيت كانشحرها مزيان وكنضيف حبة الجزر وواحد الثومة وشوية د الملح وحبة كورجيت وفلفلة حمراء وعلبة من الفطر وشوية د الهريسة ومعلقة كبيرة عصير الليمون ومعلقة تحميرة وقليل من الكمون ولبزار وشوية معدنوس كنشحرو كلشي ونخليوه على جنب .
2. ناخدو مقيلة نديرو فيها صدر الدجاج زيت وورق سيدنا موسى وشوية ديال لبزار وضامة الحوت وكنشحر كلشي مزيان ، كانزيد ملعقة عصير الحامض وملعقة صغيرة توابل بسطيلة الحوت (البيضاء) وملعقة صغيرة صوجا وقليل سكنجبير وكنخلط كلشي ونخليه يتشحر.
3. كانضيفو للخليط الأول وكانضيف معهم شعرية الأرز .
4. نرجع للعجين ، كاندوب الزبدة وكنقسم العجين إلى كريات متساوية ، من بعد كانطلق الكرة الأولى وكنرشها بالزبدة ونشكلها على شكل مسمنة مربعة (نفس الطريقة لباقي الكرات).
5. كانبدا بأول مسمنة كنطلقها وكنحطها في إطار دائري وكندير وسطها ملعقة تاع الحشوة مع الجبن المحكوك وكنجمع الجوانب حتى كانحصل على شكل بسطيلة ، وكنكملو بنفس الطريقة .
6. كندهنهم بأصفر البيض مع شوية صوجا وكندخلهم لفران سخون من قبل وبالصحة والعافية.
تعليقات
إرسال تعليق