داوء كوتيبريد وداعي الإستعمال

بسبوسة بالكريمة مكتوبة 

تعلمي معانا طريقة تحضير بسبوسة بالكريمة مكتوبة بالتفاصيل، وصفة مغربية أصيلة وسهلة. كيكة لذيذة ومعسلة بطبقات هشة وكريمة ناعمة، غتحمقك وغتعجب العائلة. تابع الوصفة خطوة بخطوة باش تخرجي بسبوسة معسلة بلا نشا بمكونات بسيطة وسهلة تلقايها فدارك. ما تفوتيش الفرصة جربي الوصفة وشوفي الفرق من أول مرة. اكتشفي أسرار تحضير بسبوسة مع الكريمة بنكهة البرتقال واللوز المحمر، وكوني دايما مميزة فحلوياتك.

مقادير الطبقة الأولى:

(القياس بكأس العنبة)

• 2 بيضات.
• نصف كأس زيت.
• نصف كأس سكر.
• كأس سميدة رقيقة.
• 1 كيس فاني.
• 1 كيس خميرة الحلوى (7 غرام).
• 1 ياغورت طبيعي بدون سكر (زبادي).

مقادير الطبقة الثانية (الكريمة):

• نصف لتر حليب.
• 3 معالق كبار نشا (مايزينا).
• 3 معالق كبار سكر (أو حسب الذوق).
• 1 ياغورت طبيعي.
• 2 مثلثات جبن (كيري).

مقادير الطبقة الثالثة:

• نفس مقادير الطبقة الأولى.

طريقة التحضير:

1. تحضير الطبقة الأولى: في وعاء، خلطي مزيان البيض مع السكر وسكر الفاني، من بعد زيدي عليهم الزيت والياغورت وخلطي كلشي مزيان. من بعد زيدي السميدة الرقيقة وخميرة الحلوى. صبي الخليط في قالب الكيك ودخليه للفرن يكون سخون، مع تشغيل النار من تحت فقط حتى تتماسك الطبقة بلا ما تتحمر.

2. تحضير الكريمة: فواحد الكسرونة، خلطي الحليب مع النشا والسكر وحطيه فوق النار مع التحريك المستمر حتى يثقل. من بعد زولي الكسرونة من فوق النار وزيدي الياغورت والجبن وخلطي مزيان حتى تولي الكريمة ناعمة ومتجانسة. صبي الكريمة مباشرة وهي ساخنة فوق الطبقة الأولى ودخليها للفرن مدة 5 دقايق باش تتماسك الكريمة (النار من فوق فقط).

3. تحضير الطبقة الثالثة: جهزي الطبقة الثالثة بنفس طريقة الطبقة الأولى وصبيها فوق الكريمة. دخليها للفرن وشعلي النار من تحت وخليها حتى تطيب.

4. تحضير السيرو: فواحد الكاسرونة، خلطي كأس من عصير البرتقال مع جوج معالق كبار من السكر (أو حسب الذوق) وحطيهم فوق النار حتى يبدا يغلي، من بعد طفي النار وخليه جانبا.

5. السقي والتزيين: منين تخرجي البسبوسة من الفرن، سقيها مباشرة بالسيرو وزينيها بالكوك أو اللوز محمر ومهمرمش حسب الرغبة.

وبالصحة والراحة.

تعديل المقال