حلويات مغربية: ملف شامل

 سجلي اسرار نجاح الحلويات المغربية 👇

الفقاص بلوز  

مقادير:

8بيضات 

2كيسان سكر 

2كيسان زيت

كاس زنجلان محمر

كاس لوز محمر

2ملاعق حبة حلاوة و نافع مطحون

و معلقة كبيرة حبوب

ساشي الزهرة البرتقال (الزهر)

قبصة الملح

ساشي قهوة نسكافي 

2خمارات

طحين حسب الخليط

طريقة: 

نعمل البيض والسكر فالخلاط حثى يتخلط مزيان وتزيد الزيت و قبصة الملح 

يتخلط مزيان حثى يولي الخليط ابيض وتزيد ساشي الزهر 

تخوي الخليط فالقصرية تزيدي نواشف كيف لي فصورة يخلط مزيان وتزيد طحين بشويا  بشويا و الخميرة حثى تتجمع العجينة متكون خفيفة وتكون قاصحة  و تقسم على اربعة يتعملو حريبلات يتخلط اصفر البيض مع قهوة وتدهن حربلات يتقب تدخل الفران بارد ويتشعل  ناقص العافية  وتحط الفوق باب الفران يبقى منفس  باش ميتفركعش الفقاص.

💯 الفقاص : باش مايطرطقش ليك دخليه للفران يكون بااارد و شعلي عليه العافية تكوت مهييييلة و خلي الفران محلول شويا ماتسديهش.

حلوة البهلة الرائعة 

المقادير

1کیلو دقيق ابيض

250غ من الزبدة الحيوانية.

250غ من السكر. كأس من اللوز المحمص (محمر).و مکسر

كأس من السمسم المحمص (محمر)

3خمارات كيميائية وزن 8غ.

كأسان من الزيت.

نصف ملعقه صغيره من القرفة أو سمن (إختيارية).

قبصة من الملح.

طريقة التحضير:

في إناء نمزج الدقيق مع والزبدة جيدا نضيف السكر و القرفة أو سمن ثم الزيت يخلط الكل ، نضيف الخميرة و اللوز ، السمسم يمزج الكل

جيدا بعدها نأخذ العجين مررها مرتين في حكاكة الطماطم، نشكل کویرات تقريبا 27غ نضعها في الصفيحة خاصة بالحلوة البهلة ،نضع الصفيحة داخل الفرن في الأسفل حتى يظهر عليها التشققات بعدها نضعها في الفوق لتكمل الطهو حتى تتخذ لونا كما مبين في الصورة  بالصحة والعافية.

ملاحظة: بالنسبة الكأس للي عبرت بيه كأس العنبة.

و السمسم هو زنجلان

💯 البهلة : باش تجيك مشققة ملي تعجنيها خليها ترتاح و متقصحيش العجينة باش ماتجيكش قاصحة فالعضة و دخليها لفران يكون سخوون و ملي دخليها نقصيييي العافية باش متحرقش.

حلوة ريشبوند  بطريقة سهلة وسريعة 

المكونات:

-3 بيضات

-كاس سكر

كاس زيت

فانيلا

-2 معالق كبار النشا(مايزينا)

2 أكياس خميرة الحلوى 

- الطحين حسب الخليط

ملعقة برتقالة محكوكة .اختيارية

طريقة التحضير:

في إناء نخلط السكر والفانيلا و البيض جيدا ثم نضيف الزيت مع الخلط ثم نضيف النواشف مع الخلط

العجينة يجب أن تكون رطبة

نشكل كريات ندخلها الفرن المسخن 180c لمدة 10 حتى 15 دقيق

في كسرولة نضع مربى المشمش مع كأس عصير البرتقال (اختياري يمكن الاستغناء على عصير البرتقال) +ملعقتين ماء الزهر حتى يغلي. نتركه يبرد قليلا ثم نضع فيه الكريات نتركها تتشرب نأخذ كرتان من نفس الحجم نلصقهم ونضعها في الكوك (جوز الهند)، وتقدم بالصحة والعافية.

💯 ريشبوند : باش تجيك رطبة ماتقصحيش العجينة خليها طرية عطيها غير حقها فالطحين ما تزيديش من راسك و طفيها فالكوفتير و الزهر تكون مازال سخونة باش تشرب ليك و تبقا رطبة غير خشيها و حيديها حيت الا بقات بزاف غتفرتت

💯 الصابلي : باش مايصغارش ليك فالفران مالكيه و ماتعطيهش الخدمة جمعيه غير بالاصابع و ضروري يرتاح فالتلاجة و زيدي معلقة ديال الكليكوز الا بغيتيه يبقى مقرمش ويلا ماكنتيش محتاجة بيه جمعيه مزيان بالسولوفان و ديريه فبوليستير بلا فينيسيو حتى تبغيه عاد فينيه حيت الا كان مفيني كيبرد

مقادير كوكيز الشكلاط :

1 بيضة

150 غ دقيق

50 غ سكر

نصف ملعقة ص خميرة الحلويات

كيس فانيليا

125 غ زبدة دائبة

100 غ حبيبات الشكلاط

طريقة التحضير :

نأخد إناء نضع فيه البيض + الزبدة + سكر + خميرة الحلويات + فانيليا + دقيق ثم نمزج المكونات جيدا مع إضافة حبيبات الشكلاط إلى الخليط نخلط المكونات جيدا حتى تصبح العجينة متماسكة ثم نضعها على شكل كويرات في صفيحة الفرن وندخلها الفرن، وبالصحة والراحة.

💯 كوكيز : الا بغيتيه يجيك فحال ديال المحلات ديري فيه الكاسوناد و خليه يرتاح فالثلاجة ضروري عاد خدميه.

المعلكة بالكاوكاو 

المقادير:

- 500غ كاوكاو مصهد( غير اسخن نحيدوه منخليوهش اتحمر) أو مقشر أو مطحون

- كاس عنبة عامر سنيدة 

- 2 معالق كبار كاكاو 

- 2 معالق كبار مربى المشمش 

- 2 بيضات 

- قبصة ملح

- خمارة 

- نكهة الفاني

طريقة التحضير:

ندهنو ايدينا بما زهر أو نديرو كرات صغار نفندوهم فسكر كلاصي أو ندخلوها لفران لسخناه قبل نشعلو الفوق هو الأول حتى تشقق عاد نشعلو لتحت.

💯 المعلكة : الا بغيتيها تجيك اسم على مسمى دخليها التلاجة ترتاح و تشد راسها شويا و ديري السكر كلاصي سبيسيال ماشي العادي و دخليها للفران سخون و درجة الحرارة مهيلة نزليها التحت هو الاول(كانهضر على فران ديال الغاز) غير تبدأ تشقق طلعيها الفوق حسبي دقيقة و خرجيها و خليها حتى تبرد عاد حيديها من اللاطة و ضروري من ورق الطبخ غاتجيك معلكة ديال بصح.

كعب الغزال تيجي روووعة

 مقدير العجين:

500 غ دقيق ابيض ( فورص ) يكون ممتاز

125 غ من الزبدة الذايبه تكون مذوبه ونحاولو بملعقه ناخدو غیر

الزبده

1 ملعقه سكر سقيل

ملح

وماء الزهر لجمع العجين تخلط وندلكوها مزيااان نعملها فبلاستيك غدائي ونخليوها ترتاح على الأقل 30 دقیقه

مقادير حشوة كعب الغزال أي العقدة

500 غ لوز مسلوق ومنقي ونااااشف مزيان

250 غ سكر

1 ملعقه كليكوز

الزبده المدابه وماء الزهر

كناخدو اللوز كنطحنوه مزيان وكنعاودو نطحنوه مع سنيدة ونزيدو عليه لكليكوز و 2 معالق زبدة مذابه وماء الزهر حسب الرغبة وندلكوه مزيااان حتى يتعلك

ونبداو نعمرو الكعبه.

الكعبه إلى بغيتيها مطرطقش أولا فاش تكوني تلفي العجين على اللوز

خرجي الهواء حيت تتكون الهواء فالكعبه خاصك تكي عليها من الفوق للتحت من بعد شکليه وخليه يتشمع 8 ساعات على الأقل وعاد ثقبيه ودخليه الفرن يكون سخون غر دخليه نقصيه خليه على عافيه

مهييييله راه غينجح ليك %100 وفحالت تنفخ ليك فاش يكون کیطیب حاولي بالأصابع تكي عليه راه  وبالصحة والراحة.

💯 كعب الغزال : الا بغيتيها تجيك معلكة و مدهبة خاصك تخدمي العقدة مزياان دلكيها حتى تولي مسكة و خدمي بالعجين ديال الزيت و تقبيها و شمعيها و ملي تبغي طيبيها دهنيها بالزبدة و الزيت مزياان و طيبيها على المهل 

نتمنى نكون فدتكم .. طلعو المنشور بالتعليقات و بارطاجيو لتعم الفائدة

 #حلوة_مغربية