طريقة تحضير الحريرة البلدية المغربية اللذيذة

نقدم لكم في هذه الوصفة، طريقة عمل الحريرة البلدية المغربية بخطوات سهلة وسريعة، تتجي لذيذة جدا.

نحضرو الخميرة: ملعقة كبيرة  من الخميرة يابسة أو معجونة ، ملعقة سنيدة، 3 ملاعق كبار ماء دافئ ، ملعقة كبيرة من الدقيق .

نخلطو جميع العناصر و نخليها تخمر .

المكونات: 

رابعة من اللحم ، 1كلغ مطيشة ، رابعة الحمص ، 4 ملاعق كبيرة عدس ، ملعقة سمن ، نصف ملعقة صغيرة إبزار ، نصف ملعقة صغيرة سكينجبير ، ملعقة صغيرة خرقوم ،القليل من الزعفران شعرة ، 3 عويدات قرفة ، زلافة معدنوس ، زلافة كرافس ، زلافة قزبر ، بصلة مقطعة رقيييقة و 2 ملاعق كبار مطيشة الحك.

طريقة عمل الحريرة البلدية المغربية اللذيذة 

في الخلاط الكهربائي نطحنو مطيشة بالقشرة ديالها والزريعة و نفرغو الخليط فالطنجرة  ونزيدو البصل مقطع رقيق بزاف و اللحم ، الحمص ، التوابل ، السمن ونقليها شوية.

نزيدوا القزبور و المعدنوس مقطع رقيق ونمرقو بالماء الكافي ونسدو الكوكوط أو الطنجرة مدة 30 دقيقة ونحلوها ونضيفو العدس ونسدو 15 دقيقة .

ناخذو الخميرة اللي حضرنا ونطحنو مع 2 مع ك دقيق ونزيدوها في الكوكوط مع التحراك ونزيدو القليل من الكرافس ومطيشة الحك ، الملح و الإبزار حسب الرغبة ، نزيدو الشعرية وبيضة مع التحراك ونخليها تغلي 15 دقيقة ونقدموها بالصحة و الراحة .